<?xml version="1.0" encoding="UTF-8"?><song><author>I.D. Sankey</author>
<hymn_number>360</hymn_number>
<lyrics>[V1]
 Mba hevero, ry mpanota !
 Ny nataon'ny Tomponao :
 Izy tsy mba manana ota
 Nefa tonga solonao ;
 He ! ny lanitra nafoiny
 Mba hidinany tatý
 Olom-bery no antsoiny
 Mba handova ny arý.

[V2]
 Mba hevero, ry mpanota !
 Fa nijaly Jeso tia,
 Maty tany Gologota
 Mba hamory ny mania,
 Indro, latsa-dra ny Tompo
 Nefa tsy mba diso re !
 Fa nisolo ny mpanompo
 Izay nanohitra elabe.

[V3]
 Mba hevero, ry mpanota !
 Alatsaho ao am-po ;
 Mahavery re ny ota
 Raha tsy voadio ny fo,
 Mangataha ankehitriny,
 Dia hodiovin'i Jeso,
 Fa izany no iriny
 Mba handraisanao ny soa.

[V4]
 Mba hevero, ry mpanota !
 Ny fifonana aminao
 Hahafoizanao ny ota
 Tena fahavalonao.
 Manatòna hovonjena
 Sao hiharan-doza be !
 Manatòna, fa homena
 Fifalian-dehibe.

[V5]
 Mba hevero, ry mpanota !
 Inona ary no hatao ?
 Aza mety resin'ota,
 Tiavo Jeso Tomponao ;
 Ny lalàny no araho
 Sitrapony tontosay ;
 Nefa Izy angataho
 Homba anao mandrakizay.</lyrics>
<title>Mba hevero, ry mpanota! FFPM360</title>
</song>